HINDI naitago ni Davao City Rep. Paolo Duterte ang pagkadismaya sa Senate Blue Ribbon committee dahil mistulang tumitiklop na umano ang mga ito kapag nababanggit ang pangalan nina Pangulong Ferdinand “Bongbong” Marcos Jr., at dating House Speaker Martin Romualdez.

“Enough of the deception,” ani Duterte. Bukod aniya sa nilulunod na ngayon ang publiko sa half-baked impeachment case laban kay Marcos ay hindi pa rin ginagalaw ang mga nasa poder sa pag-iimbestiga sa anomalya sa flood control projects.

“Why are Tambaloslos and Bangag Jr. permanently untouchable? Why does every investigation suddenly lose its spine the moment their names enter the room?,” tanong ng anak ni dating pangulong Rodrigo Duterte.

Sa huling pagdinig ng nasabing komite na pinamumunuan ni Senate President Pro-Tempore Panfilo Lacson, dalawang testigo ang nagturo kay Curlee Discaya bilang kontraktor sa Forbes Park mansion na binili umano ni Romualdez.

Gayunpaman, nang itanggi ito ni Discaya ay tila umatras na aniya ang Senado na hindi man lamang nilaliman ang imbestigasyon gayung may kapangyarihan silang gawin ang lahat para malaman ang katotohanan.

“No cross-checking. No subpoenas. No call to the officers of the company officially listed as the owner — despite having the authority to do so,” puna pa ng mambabatas.

“At the same time, flood control corruption involving congressional allies — with Tambaloslos and Bangag Jr. repeatedly linked — is treated like a forbidden topic, even as billions of pesos disappear and communities remain flooded,” dagdag pa nito.

Hindi aniya ito nagkakataon lamang kundi sinasadya at upang ilihis nang tuluyan ang isyu ay inilarga umano ang impeachment drama, hindi para parusahan ang Pangulo kundi para protektahan ito.

“If accountability ends where family and allies begin, then what we are witnessing is not democracy — it is power shielding itself from scrutiny. The people are not blind. They know when they are being played. And they will remember who looked away,” ayon pa kay Duterte.

(BERNARD TAGUINOD)